Òmines e fèminas de cabbale:Dot. Piero Balzano, su mèigu de is pipios
“E’ morto il dottore dei bambini”, cun custu tìtulu is giornales de tando aiant donadu sanoa mala de sa morte de Piero Balzano, una de is dotores prus mannos chi s’Ogliastraapat tentu.
“E’ morto il dottore dei bambini”, cun custu tìtulu is giornales de tando aiant donadu sanoa mala de sa morte de Piero Balzano, una de is dotores prus mannos chi s’Ogliastraapat tentu.
Fìgiu de Pepinu e Austina Mereu, fiat nàschidu in su 1921 in Àrthana, insu bighinadu de Barigau, ma in bidda ddoe fiat abarradu pagu. Difatis dae minorenche fiat caladu a bìvere a marina cun sa famìlia. A s’època difatis is “Barthanus” fiantmeres de medas terrenos, tancas e cungiados chi partiant dae Portu (Arbatassa) enche lompiant a Predu Moro (Portu Frailis), finas a Santu Millanu. In cue teniattzeracos e cumonàrgios chi coltivaiant sa terra e costoiant su bestiàmene. A piticu sifiat ammalaidadu de tubercolosi e su babbu e sa mama ddu calaiant a mare pro ddifàghere is bàgnos de arena.
A pustis de su diploma in su Litzeu Pacinotti de Casteddu, durante sa gherra, fuiatandadu a istudiare meighina a Bologna, acanta si fiat laureadu e pigadus’ispetzializatzione in pediatria. A in antis de esertzitare comente ispetzialista inmaladias de is pipios (comente si costumaiat a nàrrere tando), fiat intradu a traballarein s’Inam, s’Istitutu Natzionale pro s’Asseguratzione contra is Maladias, e pròpiu inuna bìsita fiscale aiat connotu sa chi diat èssere divènnida pobidda sua, CesiraBattistina Mereu chi diat àere donadu tres fìgios.
A cumentzare dae is annos ’50 aiat visitadu belle totus is pipios de su tzircùitu. Fiatsemper istòbile e prontu a agiudare a totus: sa domo sua de Lanusè fiat aberta a ogniora. Si sa mama de calicunu pipiu ddu mutiat in su coro de sa note, issu non timiat aessire pro andare a ddu bisitare e a chie non si ddu podiat permìtere non ddi pigaiatdinari. Pro meda tempus est istadu s’ùnicu pediatra in Ogiastra e pro custu, cun saGiardinetta sua, ogni chida si faghiat su giru de totu is consultòrios de sa zona,Biddamanna, Àrthana, Tortolì, etc., e a merie retziat in privadu.
Aiat medas amigos. Cando podiat essiat a passigiare a Àrthana e s’istentaiat a allegarecun totus.
In su 1993 una disgràtzia dd’at a donare unu dolore mannu mannu, chi at a cambiarepro semper sa vida sua.
Su fìgiu Stefano, mèigu endocrinòlogu chi aiat istudiaduperi in sa Chicago University , connotu in totu sa Sardigna, s’at a mòrrere nun’intzidente de aèreu paris cun àteros tres collegas e su pilota. Fiant andende aTorinu pro abèrrere unu laboratòriu de anàlisis mèdicas.
De Dot. Piero Balzano abarrat su regordu de sa gente e su bene chi at fatu. Belletotu is famìlias ogiastrinas, in una manera o in s’àtera, ddi sunt depidoras pro s’òperasua. Mortu su 7 de mese de argiolas 2001, est interradu in Lanusè.
Ultima modifica