Istitutos penitentziàrios,atzetamentu incàrrigos de titularidade 2026

ARES Sardegna at acumpridu is protzeduras amministrativas pro sa cobertura de is postos bòidos de mèighina penitentziària pro s’annualidade 2026.

Chenàbura 10 de mese de argiolas, in sa sede de ARES Sardegna, si nche sunt serradas is protzeduras de cunvocatzione de is candidados pro s’atributzione de is incàrrigos bòidos de mèighina penitentziària. Durante s’atopu, is professionistas chi aiant is rechisitos ant formalizadu s’atzetamentu de s’incàrrigu, cunforma a s’òrdine de prioridade e cun is preferèntzias inditadas in sa dimanda presentada.

ASL Ogiastra

  • 1 incàrrigu pro s’Istitutu Penitentziàriu Santu Daniele de Lanusè.

Serrada custa fase, su protzedimentu passat immoe a is cumpetèntzias de is sìngulas Aziendas Sanitàrias Locales. Segundu su Cuntratu Colletivu Natzionale (art. 72, comma 14, ACN 2026), is ASL cumpetentes ant a providire a su cunferimentu definitivu de is incàrrigos, chi ant a pòdere èssere a tempus indeterminadu o temporàneos, in cunformidade cun is rechisitos prevìdidos dae sa normativa in vigèntzia (D.L. 135/2018 e D.L. 35/2019).

Is documentos uficiales faghet a ddos compudare in custu ligòngiu dedicadu.

Ulteriori informazioni

Ultima modifica