Sanidade, pranu istrordinàriu de sa Regione: 2.000 operadores

Sanidade, pranu istrordinàriu de sa Regione:2.000 operadores pro afortziare su sistemasanitàriu sardu

Sa Regione Autònoma de Sardigna at aprovadu unu pranu istrordinàriu de assuntziones cun sapunna de afortziare in manera permanente su Servìtziu Sanitàriu Regionale. Sa deliberatzione,aprovada dae sa Giunta su 15 de trìulas, previdet s’intrada de belle 2.000 operadores sanitàrios tramèigos, infermieris e tècnicos, cun s’intentu de rispòndere a sa mancàntzia de personale chi interessatmedas presìdios de s’ìsula.
Su primu passu de su pianu previdet s’assuntzione a tempus indeterminadu de 1.500 professionistas:1.000 infermieris e 500 mèigos. Is recrutamentos ddos at a gestire ARES Sardegna, chi at a bandireconcursos pùblicos e ativare protzeduras de mobilidade extraregionale pro batire personale dae totuItàlia.
Custas assuntziones ant a permìtere de garantire unu nùmeru de operadores prus adeguadu in isDomos de Comunidade, in is Ospidales de Comunidade, in is servìtzios territoriales, in is ospidales ein sa rete de s’emergèntzia-urgèntzia. Segundu sa còmpudu fatu dae sa Regione, su bisòngiu depersonale est meda prus artu de is fi guras professionales chi oe sunt a disponimentu cun is normalesmodalidades de recrutamentu.
A custu pranu s’agiunghet una medida istrordinària e temporànea pro parare fronte a is situatzionesprus apretosas. Sa Tzentrale Regionale de Commitèntzia at a promòvere una gara pro agatareun’operadore ispetziializadu chi asseguret su suportu tècnicu, organizativu, formativu e linguìsticunetzessàriu pro favorèssere sa cooperatzione internatzionale e sa mobilidade de professionistassanitàrios chi benint dae Paisos foras de s’Unione Europea.
Custu canale de recrutamentu internatzionale previdet s’arribu de 450 operadores: 200 mèigos, 200infermieris e 50 tècnicos de radiologia mèdica. Is professionistas ant a èssere destinados mescamentea is zonas de Sardigna chi presentant prus mancàntziade personale e a is Prontos Sucursos inditadosdae su provedimentu.
Sa Presidente de sa Regione at descraradu ca su pressisu est de valorizare is professionistas sardos ede fàghere arribare mèigos e infermieris dae àteras regiones italianas pro mèdiu de procedurasordinàrias. Su recrutamentu internatzionale est cunsideradu un’istrumentu cumplementare e etzetzionale, pensadu pro risòlvere in tempos lestros sa farta de personale chi no podet èsserecuberadu cun is normales modalidades de assuntzione.
Is 450 professionistas provenientes dae s’èsteru s’ant a assùmere cun contratos a tempus determinadupro su biènniu 2027-2028, cun sa possibilidade de ddos istabilizare in su benidore, cunforma a sanormativa in vigèntzia.
In totale, tra assuntziones a tempus indeterminadu e recrutamentu internatzionale, su sistemasanitàriu sardu diat pòdere tènnere 2.000 operadores noos. Pro sa Regione, custu interventurapresentat unu passu importante pro megiorare sa capassidade de risposta de sa sanidade pùblica,garantire sa continuidade assistentziale e afortziare is servìtzios sanitàrios in totu su territòriu des’ìsula, cun una atentzione particulare pro is comunidades prus perifèricas e pro is logos ue samancàntzia de personale est prus marcada.
Comunicadu RAS (https://www.regione.sardegna.it/notizie/sanita-piano-straordinario-delleassunzioni-
per-1000-infermieri-e-500-medic)

Ulteriori informazioni

Ultima modifica