Eclissi solare de su 12 austu, in Itàlia at a èssere partziale

Comente dda bìere sena arriscos pro sa vista

Pro osservare s’eclissi de s’Itàlia, duncas, sa règula est simpre: mai castiare deretu su Sole sena unu fìlitru  solare tzertificadu ISO 12312-2.

Su 12 austu 2026 ddoe at a èssere unu de is eventos astronòmicos prus importantes de s’annu: un’eclissi solare chi at a èssere totale in parte de s’Ispagna e de s’Islanda, mentras in Itàlia e in bona parte de s’Europa at a èssere partziale.

Duncas, s’Europa continentale at a assistire gasi a sa prima eclissi solare totale a pustis de prus de 25 annos. In is àreas interessadas dae sa totalidade, sa fase acanta sa Luna at a imbusciare de su totu su discu solare at a durare unos duos minutos, cun su Sole casi in s’ismurrinadòrgiu. At a èssere possìbile  osservare fintzas sa corona solare, sa parte prus esterna de s’atmosfera de su Sole.

In Itàlia, imbetzes, su discu solare at a èssere imbusciadu in parte ebbia: finas a su 94,8% de ecrissamentu in Ventimiglia e belle su 90% in sa costa de su Tirrenu nord-otzidentale e in sa costa otzidentale de sa Sardigna.

Mai castiare su sole sena de protetzione

Fintzas durante un’eclissi partziale, su Sole est a no ddu pompiare deretamente cun is ogros sena nudda. Difatis, sende ca s’oscuramento est partziale, calicunu podet sutavalutare su perìgulu e castiare su Sole prus pro tempus meda, causende dannos a sa rètina.

Sa radiatzione solare chi crompet sa superfìtzie terrestre cumprendet lughe visìbile, rajos infrarujos e rajos ultravioletos. Un’espositzione direta a po meda ora podet causare disacatos a is ogros, fintzas permanentes, in prus de favorire patologias comente a sa catarata.

Unu de is arriscos ispetzìficos est sa gasi narada “tzurpesa de eclissi”, provocada dae su dannu de is fotoretzetores de sa rètina. Sa radiatzione solare podet in prus provocare lesiones tèrmicas: parte de s’energia est surbida dae su pìgiu trighinadu retìnicu e trasformada in calore, cun s’arriscu de iscalabrare is tessutos e creare tretos cun pèrdida de sa bisione.

Fintzas impreende binòculos, telescòpios e fotocàmeras est a donare cura: osservare su Sole a traessu de custos trastos sena filtros ispetzìficos podet provocare graves lesiones oculares.

Ite olleras tocat a impreare

Pro osservare deretamente s’eclisse serbint olleras ispetzìficas pro eclissas cunforma a s’istandard internatzionale ISO 12312-2. Is olleras de sole normales, mancari iscuras meda, non garantint un’amparu adeguadu.

Is filtros solares impreados in is otzeras de eclissa sunt progetados pro apasigare in modu eficatze sa lughe visìbile e is radiatziones ultravioletas e infrarujas. PRimu de ddas comporare tocat a averguare sa presèntzia de sa dicitura ISO 12312-2 e, pro cantu possìbile, andare dae fornidores de fide e autorizados.

Is olleras, in prus, tocat a ddas controllare bene in antis de cada impreu. Si presentant arràsigos, istampos o àteros dannos, devent èssere cambiadas.

Unu simpre controllu podet èssere fatu fintzas in domo: ponende is olleras non si diat dèpere bìdere praticamente nudda, francu sa lughe forte med. Un’àtera verìfica podet èssere fata a s’abertu in una die de sole: cun is fìlitros non si diat dèvere bìdere su paisàgiu, ma petzi un’eventuale riflessu lèbiu meda de su Sole.

Fintzas cun is fìlitros tocat a donare cura

Si non semus seguros de is olleras  ISO 12312-2, si cuns’giat de limitare s’osservatzione a 2-3 segundos cada chimbe minutos. Is disacatos a sa rètina, difatis, si podent averguare  peri sena provocare unu dolore.

Is olleras amparadoras podent èssere pesados petzi durante sa fase de totalidade, cando sa Luna imbùsciat de su totu su discu de su Sole. Custa cunditzione, però, su 12 austu no at a èssere visìbile dae s’Itàlia: at a interessare unas cantas zonas de s’Ispagna e de s’Islanda.

Ulteriori informazioni

Ultima modifica