Diabetologia in Lanusé? Servìtziu lestru e efitzente

Primas bìsitas sena colare dae su CUP, controllos programados deretu de su servìtziu e assistèntzia ispetzialìstica in su territòriu.

Primas bìsitas sena colare dae su CUP, controllos programados deretu de su servìtziu e assistèntzia ispetzialìstica in su territòriu. Su Tzentru diabetològicu de s’ASL Ogiastra ammentat a is tzitadinos is modalidades de atzessu a is prestatziones dedicadas a sa diàgnosi, a sa cura e a su còmpudu de su diabete e de is maladias metabòlicas.

S’istrutura, chi tenet sede printzipale acanta sa Domo de Comunidade de Lanusè, òperat fintzas in is ambulatòrios de Iersu e Tortolie, garantende unu servìtziu a probe de is malàidos de su territòriu.

Unu de is aspetos prus importantes de connòschere pertocat s’atzessu a is primas bìsitas diabetològicas e a is bìsitas apretosas. A diferèntzia de medas àteras prestatziones ispetzialìsticas, custas non sunt prenotadas a traessu de su CUP, ma deretu tràmite su Tzentru diabetològicu, mutende su servìtziu in manera telefònica o bia de curreu eletrònicu.

Pro rechèrrere una prima bìsita est netzessàriu èssere in possessu de s’impegnativa de su mèigu de meighina generale o de s’ispetzialista e de is esàmenes clìnicos chi ant batidu a sa rechesta de sa consulèntzia diabetològica. Is primas bìsitas sunt fatas in sa sede de Lanusè ebbia e sunt programadas in su respetu de is critèrios regionales de prioridade.

A su tèrmine de sa bìsita ispetzialìstica, at a èssere su matessi Tzentru diabetològicu a prenotare su controllu sutzessivu, sena chi su malàidu depat rechèrrere una impegnativa noa. Sa bìsita de controllu est registrada difatis deretu dae su servìtziu, cunsentende una presa in càrrigu continuativa e unu còmpudu costante de su percursu de cura.

Est importante a ammentare chi, casumai un’adòbiu non siat respetadu sena comunicatzione preventiva, sa prenotatzione decadit e, tando giai, pro otènnere un’adòbiu nou at a èssere netzessària una impegnativa noa pro bìsita diabetològica de controllu.

Pro cunsentire a is ispetzialistas una valutatzione cumpleta e cuidada, est de consigiare a fàghere is esàmenes rechestos belle 10-15 dies in antis de sa bìsita e si presentare a s’adòbiu cun totu sa documentatzione sanitària disponìbile, s’elencu agiornadu de is terapias chi si pigant e, pro is pessones cun diabete, su diàriu glicèmicu o is datos de su sensore de còmpudu.

Pro informatziones, prenotatziones de is primas bìsitas e acrarimentos in contu de is modalidades de atzessu est possìbile a mutire deretu su Tzentru diabetològicu de s’ASL Ogiastra a traessu de is recàpitos dedicados: 0782/490440 dae su lunis a su chenàbura dae is 11:00 a is 13:30, su martis e su mèrcuris fintzas dae is 15:00 a is 16:30, su curreu [email protected] est semper ativu.

Ulteriori informazioni

Ultima modifica