Diabete in istade, cunsìgios pro afrontare su calore meda

Su calore podet favorèssere variatziones de sa glicèmia e cambiare s’assorbimentu de s’insulina. Idratatzione, controllos prus atentos e un’alimentatzione curreta podent agiudare a parare fronte a sa basca in modu prus seguru.

In s’istade, cun is temperaturas artas, is persones chi tenent su diabete depent donare prus cura. Su calore, difatis, podet infruire in s’organismu, in s’idraatzione e, pro is chi sighent una terapia cun insulina, podet tènnere cunseguèntzias peri in s’assorbimentu de s’insulina. Pro custu motivu, est importante controllare bene is valores de sa glicemia e sighire is racumandatziones de su dotore de famìlia o su diabetòlogu.

Ponimos unos cantos inditos de s’Unidade de Diabetologia de s’IRCCS Ospedale San Raffaele de Milanu.

Su calore e s’assorbimentu de s’insulina

Is temperaturas artas provocant una vasodilatatzione majore. In is persones chi pigant s’insulina dae foras, custu podet favorèssere un’assorbimentu prus lestru cunforma a is meses prus fritos e, de cunseguèntzia, aumentare s’arriscu de un’abasciamentu de sa glicèmia.

Sa situatzione podet èssere galu prus dìliga pro chie faghet movimentu e isport: is mùsculos impreant glicòsiu e s’esertzìtziu podet cambiare su fabisòngiu de insulina. Pro custu est pretzisu a non cambiare sa terapia de iniziativa pròpia, ma controllare cun prus atentu sa glicèmia e dimandare a su mèdicu si si bolent cambiare su dosàgiu.

Donare cura a is singiale de s’ipoglicèmia

In istade, fadiore, isdebilitamentu, e suore podent dipèndere  dae su calore. Però, in is persones chi tenent su diabete, calicunu de custos sìntumos podet èssere fintzas acapiadu a un’ipoglicemia.

Su sudore, massimamente, no abbàsciat sa glicèmia pro contu suo, ma podet èssere unu de is singiales de una calada ispropositada de is valores. Si ddoe tenet duca, est importante fàghere una misuratzione de sa glicèmia, sighende su pianu terapèuticu e is indicatziones retzidas dae is operadores sanitàrios.

Bufare sa giusta cantidade de abba est fundamentale

Sa disidratatzione est unu de is arrisco prus importantes in is meses de calore. Pro totus est pretzisu a poderare una idratatzione curreta, prus che totu pro chie tenet su diabete.

Si cunsìgiat de bufare abba in modu regulare durante sa die, fintzas cando no si tenet sidis, faghende a mancu de su bufòngiu cun tzùcaru o gasadu. Is chi pigant farmaco, e chi duncas podent aumentare sa diùresi e pèrdere medas lìcuidos, depent donare prus cura de is àteros e sighire is racumandatziones de su mèdicu acanta sunt in cura.

Sensores e glicemia: cando podet èssere ùtile controllare sa glicèmia cun su glucòmetru

Is sistemas de monitoràgiu continuu rapresentant unu trastu  importante pro sa gestione de su diabete. In istade, però, su suore meda e àteros fatores, a bias, podent cunditzionare sa letura de is valores.

Si su valore mustradu dae su sensore non torrat cun is sìntumos opuru ddoe tenet calicuna duda, est pretzisu a controllare sa glicèmia cun su glucòmetru.

Comente arrimare insulina e meighinas in istade

Is temperaturas artas podent cumpromìtere s’istabilidade de calicunu fàrmacu e de s’insulina etotu.

Pro custu tocat semper a pompiare is indicatziones de su follu illustrativu e is de su mèdicu o de su putecàriu. S’insulina e is àteras meighinas no depent èssere lassados suta su sole, in màchina o in àteros ambientes caentes meda. Calincunu prodotu est obligatòriu a dd’arrimare in frigorìferu.

Ite est mègius a papare cando si tenet su diabete durante s’istiu

Fintzas s’alimentatzione podet contribuire a una gestione mègius de su diabete durante de calore. Si racumandat prus che totu de papare pastos mescuros e ligeris, fàtziles a ddos dillìghere.

Prus birduras, ricas de abba, fibras e minerales, chi podent contribuire a frenare s’assorbimentu de su tzùcuru.

Proteinas ligeras, comente pische e petza bianca

Abba meda, partzende su consumu durante totu sa die.

Pagu bufòngiu cun tzùcuru, chi podet provocare aumentos de sa glicemia, e atentzione fintzas a su consumu de alcolico.

Est fintzas importante podere un’alimentatzione echilibrada e regulare, personalizada cunforma a is netzessidades de cada persone e a sa genia de terapia chi est sighende.

Sa règula prus importante est a non fàghere de conca pròpia, ma de sighire is inditos de is dotore.

Durante s’istade pro sa gestione de su diabete diat pòdere serbire prus cura, prus che totu cando ddoe tenet  temperaturas artas meda, cando si trabballat cun isfortzu, cando si faghet movimentu o isport o si biàgiat..

Est pretzisu a pompiare in modu costante sa glicèmia, bufare de cant’ora, protegere in manera curreta fàrmacos e insulina dae su calore e donare cura a is singiales chi nos donat sa carena nostra. Pro fàghere cambiamentos de sa terapia o de is doses de insulina tocat semper a dimandare a su dotore de famìlia o a su de sa diabetologia.

Ulteriori informazioni

Ultima modifica