In Barì un’atopu pùblicu pro allegare de s’istress in sa comunidade
Su 19 de austu psicoterapèutas espertos in s’elaboratzione de su tràuma e de su lutu ant a ofèrrere instrumentos pro reconnòschere is singiales de sufrimentu emotivu chi costumannt a si manifestare in ognunu de nois e pro parare fronte a is reatziones peritraumàticas
Un’atopu abertu a tota sa comunidade pro informare, pro si cunfrontare e achirire instrumentos utilosos pro afrontare s’istress e is momentos de dificultade. Pusticràs, mèrcuris su 19 de austu 2026, a ora de is 18.30, in s’aposentu de consiliare de su comunu de Barì, ddoe at a èssere un’atopu abertu a tota sa tzitadinàntzia.
S’initziativa, cun una durada prevìdida de 60-90 minutos, at a èssere un’ocasione de informatzione, cunfrontu e psicoeducatzione cun is psicoterapèutas de s’ASL Ogiastra, espertos in su tratamentu de su tràuma e in s’elaboratzione de su lutu, in collaboratzione cun s’assòtziu EMDR Italia e cun su Comunu de Barì.
Durante s’eventu ant a èssere ispiegados e aprofundidos is sinnos e sìntumos printzipales ligados a s’istress post-traumàticu, cun sa punna de favorire su reconnoschimentu issoro e promòvere una cuscièntzia prus manna in contu de is risursas a disponimentu e de is possìbiles percursos de agiudu.
«Custu apuntamentu rapresentat unu primu passu de unu pianu de interventos ad hoc chi at a èssere portadu in antis siat a livellu individuale siat in grupu – ispiegat sa dotora Claudia Abate, psicòloga-psicoterapèuta e diretora de su Sèrvitziu de Psicologia de s’ASL Ogliastra –. A pustis de èssere un’ocasione de informatzione e sensibilizatzione, at a rapresentare duncas fintzas unu momentu importante de cumpartzidura e cunfrontu pro dudas e preguntas, pro individuare e agatare is bisòngios de sa populatzione, cun s’òbietivu de identificare e ativare, a pustis, lìnias de interventu ispitzìficas e istruturadas».
Càstia sa locandina de s’eventu

Ultima modifica