Pro sa prima borta,robots umanòides ant fatu un’interventu chirùrgicu
Pro sa prima borta a su mundu, robots umanòides ant fatu un’interventu chirùrgicu
Pro sa prima bia in s’istòria, is mèigos de s’Universidade de San Diego, in Califòrnia,sunt resèssidos a portare a compimentu duos interventos chirùrgicos impreenderobots umanòides ghiados dae remotu.
S’isperimentatzione preclìnica, cuntzepidacomente proa de fatibilidade, at pertocadu sa bogadura de sa tzistifèllea dae duosmammìferos mannos non primados, est a nàrrere duos porcos. In su primuinterventu at operadu unu robot umanòide acostigiadu dae un’assistente umanu,mentras in su segundu sa protzedura dd’ant esecutada una còpia de robots.
In orìgine, sa paràula «chirurgu» (de su gregu χειρουργός) inditaiat is chi operaiat cunis manos issoro: unu paradìgma bàlidu galu oe, 2000 annos a pustis, ma chi gràtzias asu progressu tecnològicu continu leat declinatziones e possibilidades noas.
E duncas, dae is manos «in purpa e ossu» semus colados is manos robòticas: pro sa prima bia in assolutu, difatis, unos cantos chirurgos ispetzializados ant impreadu robots umanòides pro operare animales bios. Si mutint Unitree G1, e ddos at fraigados s’omònima cumpangia tzinesa, in primu lìnia in su setore de sa robòtica.
Durante un’istùdiu preclìnicu (publicadu in sa rivista Nature) is robots, cumandados dae tesu pro mèdiu de unu sistema telemàticu, ant cumpletadu cun sutzessu sa bogadura de sa tzistifèllea de duos esemplares de porcu, a traessu de un’acostiamentu mininvasivu basadu in sa laparoscopia. Pero is obots non sunt galu prontos a s’impreu chirùrgicu: is ricercadores de s’Universidade de sa Califòrnia – San Diego ant dèpidu realizare is adatadores fìsicos pro ddis permìtere de abrancare in modu curretu is trastos de traballu pro acumprire s’operatzione.
Sa chirurgia robòtica assistida est giai una realidade consolidada in medas ospidales e est impreada in medas interventos. Mancari gasi, però, is sistemas atuales presentant unos cantos lìmites: sunt machinàrios mannos meda, a s’ispissu de prus de 800 chilos, e recherent salas operatòrias adatadas apositamente e personale ispetzializadu pro s’installatzione e sa gestione. In prus, in belle totu is interventos, is ainas sunt progetadas pro esecutare cussa operatzione ispetzìfica ebbia.
Sos robots umanòides noos rapresentant però sunt diferente. Artos belle unu metru e mesu e cun unu pesu a pisi de 27 chilos, custos assistentes chirùrgicos, annomingiados “Surgie“, sunt prus cumpatos, àgiles, personalizàbiles e costant meda prus pagu de is sistemas robòticos traditzionales.
A bisu de is ricercadores, cun un’addestramentu adeguadu e àteros isvilupos tecnològicos, in su benidores is robot Surgie diant pòdere èssere impreados in is ospidales e in is àreas de su mundu acantu mancat su personale sanitàriu, contribuende a rèndere sa chirurgia ispetzialìstica atzessìbile peri in is comunidades prus ispèrdidas e cun prus pagu risursas.
Ultima modifica