Rimèdios antigos, s’abruscadinu

ABBRUSCADINU
Bruschiadina, Allu’e fogu, Erba de Santa Maria, Frore de Santu Juanne, Friscuri de Santu Juanne, Buredda Guredda, Scovili, Murdegu canu

Est impreadu giai de su tempus antigu pro abruschiare is  porcos masellados, pro s’aroma particulare chi cunferit a su lardu. Is  partes froridas mantenent su colore issoro fintzas sicadas, e sunt impreados pro profumare is  pannos e is  ambientes. In cosmètica s’abbruscadinu est impreadu comente a fissadore in is  nuscos. S’abbruscadinu est una mata officinale nòdida mescamente pro is  propiedades suas antinfiamatòrias.  Comente propiedades printzipales ammentamus reduit s’orrubiore, dermatites, eczemi e favorit sa tzicatrizatzione de istrùpios piticos . Agiuat a liberare is  bias respiratòrias in casu de tusse, arresfridu o bronchita. Est ùtile contra is  lidigores  e is  tràumas piticos, gràtzias a su podere de is  estratos.

Pro ammaniare un’unguentu cun abbruscadinu deves in antis realizare s’oleolito de base e a pustis a ddu gelare cun sa cera de is abes. Pro fare s’oleolito de abbruscadinu  tocat a collire is frores (friscos o sicos) e ògiu vegetale.  Eta a prènnere unu boto de bidru cun is  frores, e imbussare cun s’ògiu, serrare su boto cun una garza blocada dae un’elàsticu e tocat a du lassare  a su sole  unas 21 dies, sansiende su boto cada die. Coladu su tempus, si filtrat s’ògiu cun colinu o una garza. Pro trasformare s’oleolito in unguentu est a impreare 100 ml de oleolito de abbruscadinu e 10-15 g de cera de abes scagiare e betare deretu in unu boto de bidru. Lassat isfritare sena cobercu fintzas a cando s’unguentu non gelat. Si cunservat  ultres un’annu in unu logu friscu.

Ulteriori informazioni

Ultima modifica