Sa capella de s’Ospidale de Lanusè

Custu mangianu semus andados a bìere sa capella de s’ospidale de Lanusè.

Sa capella s’agatat a su segundu pianu de s’ospidale Nostra Sennora de sa Mercede, dipendet dae sa diòtzesi de Lanusè e sunt praticadas regularmente is tzelebratziones religiosas.

Sa festa de sa patrona de s’ospidale N.S. de sa Mercede est tzelebrada su 24 de cabudanni.

Comente est nòdidu s’ospidale est unu logu dedicadu a sa cura de sa persone, ma sa persone no est petzi su corpus suo. In is momentos de sa maladia, de sa tribulia e de inseguresa istupant a foras fintzas bisòngios interiores, ispirituales e emotivos. Pro custu, sa presèntzia de una capella catòlica a s’internu de un’ospidale rapresentat un’importante servìtziu de amparu pro is malàidos, pro is famìlias insoro e pro is operadores sanitàrios.

Sa capella est in antis totu unu logu de mudèntzia, pregadoria e assentu. Chie bivet una situatzione mala podet tènnere bisòngiu de si firmare, agatare unu momentu de trancuillidade, pregare opuru, de istare in mudèntzia ebbia.
Sa presèntzia de sa capella permitet fintzas de tzelebrare is momentos printzipales de sa vida religiosa, comente sa Santa Missa, e de retzire s’assistèntzia ispirituale de su capellanu. Custu acumpagnamentu podet èssere significativu pro is persones ricoveradas pro tempus meda, pro chie afrontat una maladia grave e pro is famìlias chi bivent momentos de timoria o de dolore.

Avalorare una capella catòlica non bolet nàrrere a disconnòschere o pònnere in segundu pranu is àteras religiones. S’ospidale est unu logu acanta cada persone est acòllida e respetada in sa dignidade pròpia, in manera indipendente de sa fide pròpia, de sa cultura sua o de is cumbinchimentos chi tenet. Sa capella catòlica devenit unu sìmbulu de s’atentzione de s’ospidale a sa dimensione ispirituale de sa persone. No escludet nemos acollit a totus, ca sa maladia, difatis, torrat totus prus vulneràbiles.

Su capellanu de s’ospidale est don Efisio Meloni. In sa ghenna de sa capella est presentadu s’oràriu de is tzelebratziones: in sas dies feriales sa Santa Missa est tzelebrada a ora de is 16:30, mentras in is dies festivas a ora de is 10:00. Si esseret a serbire, su nùmeru de telèfonu de su capellanu est custu 345 239 4903

Ulteriori informazioni

Ultima modifica