Su Nùmeru Ùnicu Europeu de Emergèntzia 112

In Sardigna est ativu su Nùmeru Ùnicu Europeu de Emergèntzia 112, su servìtziu chi permitit de rechèdere assistèntzia in totu su territòriu regionale, cuntatende unu nùmeru ùnicu pro is situatziones de emergèntzia.

Sa gestione de is mutias est afidada a sa Tzentrale Ùnica de Risposta (CUR) de Tàtari, chi ricevit sa rechesta de sucursu e provedit a ismistare sa mutia a su servìtziu cumpetente, a segundu de sa situatzione: Carabineris, Politzia, Vìgilis de su Fogu, sucursu sanitàriu o Capitaneria de Portu.

Comente funtzionat su 112?

Cun una mutia a su 112, sa Tzentrale Ùnica de Risposta gestit sa rechesta de sucursu e identificat su servìtziu chi depet intervenire. Sa mutia podet èssere fata dae rete fissa o mòbile, ma fintzas cun SMS, aplicatziones e sistemas de alerta automàtica, comente su sistema eCall de is veìculos.

Tra is vantàgios prus importantes b’at sa possibilidade de atèndere is persones cun disabilidades e de garantire assistèntzia in diferentes limbas, cun su suportu de intèrpretes.

Un’àteru elementu fundamentale est sa localizatzione geogràfica de chie mutit. Cun s’App “Where Are U”, collegada a su sistema 112, s’operadore podet connòschere cun prus pretzisione su puntu in ue s’agatat sa persone chi est pedende sucursu. Custa informatzione podet èssere decisiva pro permettere a is socorritores de arribare in manera prus ràpida e pretzisa.

S’App 112 “Where Are U” si podet iscàrrigare a indonu e rapresentat un’istrumentu ùtile in is situatziones de emergèntzia, in particulare cando est dificile a comunicare a boghe sa positzione pròpia.

Su Nùmeru Ùnicu Europeu de Emergèntzia 112 no sostituit is àteros nùmeros de emergèntzia, chi abarrant ativos, ma permitit de tènnere unu puntu ùnicu de atzessu a is servìtzios de sucursu. Cun unu nùmeru ùnicu e una gestione coordinada de is mutias, su sistema tenet comente punna su de fàghere prus ràpida e efìcace sa risposta a is emergèntzias in totu sa Sardigna.

Documenti

Ulteriori informazioni

Ultima modifica