Unu ditzionàriu mèdicu pro sa limba sarda
Unu ditzionàriu mèdicu pro sa limba sarda: 13 mìgia tèrmines pro sa sanidade
In su 2023 sa domo imprentadora Nor, pro sa cannaca Paràulas, at publicadu su “Ditzionàriu de tèrmines mèdicos. Plurilìngue, terminològicu, istòricu”, òpera de su mèdicu e istudiosu Giagu Ledda.
Su volùmene rapresentat unu de is prus importantes trastos lessicogràficos dedicados a sa terminologia mèdica in limba sarda.
S’òpera regollet unos 13.000 tèrmines e, pro cada boghe, donat informatziones gramaticales, tradutziones in italianu, catalanu, castillianu, frantzesu e inglesu, e in prus sa definitzione, s’etimologia e notas de caràtere istòricu.
Pro su lèssicu ispetzialìsticu, s’autore at prefertu s’impreu de formas de orìgine grega e latina, adatadas a sa fonètica, a sa morfologia e a s’ortografia de su sardu, sighende sos critèrios prus adotados dae is limbas sientìficas europeas printzipales.
Su ditzionàriu adotat in prus unu modellu de iscritura subradialetale, cun sa punna de ofèrrere unu trastu su prus possìbile unitàriu, atzessìbile e suscetìbile de agiornamentos benidores.
In s’idea de s’autore, su ditzionàriu naschet pro donare a su personale sanitàriu unu riferimentu seguru in sa redatzione de testos e in sa comunicatzione in limba sarda, contribuende in su tempus matessi a crèschere su lèssicu mèdicu a disponimentu e a sustentare su protzessu de isvilupu e normalizatzione de sa limba.
Ledda cunsìderat difatis su volùmene un’òpera aberta, destinada a èssere perfetzionada e a crèschere cun su contributu de istudiosos e espertos de su setore.
Pro chie ddu bolet comporare, su ditzionàriu est disponìbile inoghe.
Ultima modifica